Archive for category: Uncategorized

Soluciencia continúa axudando a empresas e institucións en áreas clave para acadar unha boa posición no mercado. Así, aporta solucións nos seguintes ámbitos:

• Deseño de procesos: novas actividades, novas necesidades de produción…
• Investigación: desenvolvemento de procesos, mellora de procesos implantados.
• Prevención de riscos laborais: seguridade, hixiene, ergonomía.
• Xestión ambiental: sistemas de xestión, estudos de impacto, lexislación.
• Realización de informes periciais, comunicación de resultados…
• Actividades de turismo ecolóxico.
• Formación: o coñecemento como peza clave da mellora da competitividade.

Soluciencia, un apoio seguro.

Soluciencia aporta solucións no eido da investigación, xestión ambiental, prevención de riscos e formación.

O medio ambiente, o noso entorno. O hábitat no que todo ser vivo desenvolve as súas actividades vitais, o cal supón interaccións co medio físico e cos demais seres vivos. Un equilibrio delicado que, malia a súa importancia, está sento alterado pola actuación do ser humano…

Se ben é coñecido o concepto de desenvolvemento sostible, aquel que garanta as necesidades da poboación actual sen poñer en perigo as necesidades das xeracións futuras, en infinidade de ocasións antepóñense outros criterios, case sempre económicos que, na maioría dos casos, supoñen un dano ambiental grave. Neste senso, nos últimos anos tense falado moito do uso de pesticidas e outros biocidas que provocan efectos negativos noutros organismos, ademais de aqueles para os que están destinados. É o caso das abellas e os efectos devastadores de determinados compostos químicos sobre elas… Pero a consecuencia non é unicamente a diminución do número de individuos e o descenso na produción de mel. As abellas constitúen a especie máis importante na ruta de polinización entomócora, o cal é básico na preservación da biodiversidade e na produtividade das colleitas. A alteración deste equilibrio ecolóxico supón graves riscos, tanto económicos como ambientais.

E, por suposto, moitas outras actividades antropoxénicas supoñen agresións ambientais de importancia fundamental: a deforestación de bosques para a obtención de madeira e pasta de papel, a extensión de cultivo de palma para a obtención de aceite (de consecuencias tamén negativas para a saúde) o uso de determinados compostos químicos en minería e metalurxia, o uso ineficiente de combustibles fósiles e o feito de non substituílos por fontes renovables…

Soluciencia ofrécelles alternativas para a realización de actividades baixo criterios de sostibilidade, sen perder a eficiencia nin a rendibilidade. Mediante a realización de estudos e traballos de investigación, acádanse rutas de actividades solventes, a nivel ecolóxico e económico.

Soluciencia aporta solucións.

Os insectos teñen unha importancia fundamental no mantemento do equilibrio natural

Unha das áreas de traballo de Soluciencia é a Formación, aplicada a diferentes ámbitos. Recentemente, Soluciencia participo una elaboración do temario incluído nun Máster en Seguridade Alimentaria; concretamente, o conxunto de unidades didácticas da materia Procesos fisicoquímicos relacionados coa alimentación.

Trátase dun curso desenvolvido por Campus Training, un centro de formación aberta de alta calidade especializado na inserción laboral dos seus alumnos.

Unha vez máis, Soluciencia aporta solucións.

Master en Seguridad Alimentaria

Defínese a Biosfera como o conxunto de seres vivos e os medios nos que se desenvolve a súa actividade vital. Polo tanto, establécense interaccións tanto entre os organismos coma co entorno… Non hai que esquecer que a especie humana é unha máis das que constitúen a Biosfera e, xa que logo, a interacción que mantén co medio ambiente vai ter influencia, tanto sobre o entorno como sobre os organismos vivos, o que inclúe tamén, por suposto, ao xénero humano…

A interacción co medio natural ten consecuencias inmediatas e que permanecen no tempo e, moitas veces, a longa distancia. Lembremos que os xeos de Groenlandia conteñen restos de pesticidas que se usan a miles de kilómetros do xeo artico. Logo, imponse a necesidade do respecto ao medio ambiente, dado que o seu alarmante deterioro está causando graves problemas: cambio climático, acumulación de residuos, esgotamento de recursos… que, ademais das consecuencias sobre os medios físicos e biolóxicos, tamén repercute sobre a economía: encarecemento de materias primas, custes de xestión ambiental, incremento do gasto sanitario e outras moitas consecuencias de natureza moi variada.

SOLUCIENCIA trata de contribuír a reducir a interacción da actividade empresarial co entorno mediante a realización de estudos de minimización de impacto, investigación sobre liñas de melloras do comportamento ambiental, formación e prevención da contaminación, produción ecolóxica…

No Dia Mundial do Medio Ambiente, SOLUCIENCIA únese ás demandas de protección do entorno… Por todo e por todos…

Vista da ría de Noia dende a praia da Arnela (Porto do Son, A Coruña)

A xestión dos residuos supón unha tarefa de vital importancia de cara a manter un medio ambiente en condicións saudables, algo que repercute sobre todos nós.

Esta xestión, ademais de minimizar o impacto ambiental dos residuos, debe enfocarse cara a un procedemento de tratamento que permita un aproveitamento dos residuos (reciclaxe) e que non supoña un consumo excesivo de recursos naturais.

As pilas son uns potencias axentes contaminantes de gran capacidade lesiva sobre o medio ambiente.

Polo tanto, imponse a necesidade de investigar para mellorar os tratamentos existentes e desenvolver novos procesos pensando en residuos que actualmente non se xestionan ou en novos residuos que aparecerán como consecuencia das novas necesidades produtivas e de consumo.

Soluciencia investiga, procurando melloras nos procesos existentes e desenvolvendo novos procesos de cara a obter liñas de tratamento eficientes, económicas e saudables.

Actualmente, Soluciencia dirixe un proceso para optimizar a xestión de catro liñas de residuos perigosos.

Soluciencia é investigación e eficiencia.