Novas – Páxina 2 – Soluciencia

Posgrao en Xestión ambiental

12/07/2017/by Antonio Manuel Rodríguez Castro

Este título está dirixido a investigadores, docentes, técnicos ambientais e aqueles traballadores freelance interesados en orientar a súa práctica profesional cara a esta materia. Trátase dunha colaboración entre a Universidade Isabel I de Castilla e Soluciencia.

Tamén poderán acceder aqueles estudantes que obtiveran o seu grao no estranxeiro, se este equivale a algún título oficial español e se acreditan, ademais, como mínimo, un nivel B1 en castelán.

Os obxectivos básicos deste curso céntranse na xestión ambiental, enfocada dende o punto de vista científico, económico e lexislativo. Trátase de que os alumnos sexan capaces de:

Coñecer a orixe da contaminación ambiental e procesos que se orixinan a continuación.
Coñecer as consecuencias de diferentes actividades antropoxénicas sobre o medio ambiente.
Coñecer as principais disposicións legais a nivel español e europeo en materia de lexislación ambiental.
Comunicar a necesidade de establecer melloras ambientais nos procesos produtivos.
Transmitir coñecementos no ámbito da xestión ambiental.
Aportar solucións para a redución/eliminación de impactos ambientais na produción industrial.

Podedes obter máis información neste enlace

Curso en Xestión Ambiental. Universidad Isabel I de Castilla e Soluciencia.

Protexer o medio ambiente é unha cuestión de todos porque todos nos beneficiamos dun entorno saudable.

Agardámosvos.

Día Mundial do Medio Ambiente

05/06/2017/by Antonio Manuel Rodríguez Castro

Defínese a Biosfera como o conxunto de seres vivos e os medios nos que se desenvolve a súa actividade vital. Polo tanto, establécense interaccións tanto entre os organismos coma co entorno… Non hai que esquecer que a especie humana é unha máis das que constitúen a Biosfera e, xa que logo, a interacción que mantén co medio ambiente vai ter influencia, tanto sobre o entorno como sobre os organismos vivos, o que inclúe tamén, por suposto, ao xénero humano…

A interacción co medio natural ten consecuencias inmediatas e que permanecen no tempo e, moitas veces, a longa distancia. Lembremos que os xeos de Groenlandia conteñen restos de pesticidas que se usan a miles de kilómetros do xeo artico. Logo, imponse a necesidade do respecto ao medio ambiente, dado que o seu alarmante deterioro está causando graves problemas: cambio climático, acumulación de residuos, esgotamento de recursos… que, ademais das consecuencias sobre os medios físicos e biolóxicos, tamén repercute sobre a economía: encarecemento de materias primas, custes de xestión ambiental, incremento do gasto sanitario e outras moitas consecuencias de natureza moi variada.

SOLUCIENCIA trata de contribuír a reducir a interacción da actividade empresarial co entorno mediante a realización de estudos de minimización de impacto, investigación sobre liñas de melloras do comportamento ambiental, formación e prevención da contaminación, produción ecolóxica…

No Dia Mundial do Medio Ambiente, SOLUCIENCIA únese ás demandas de protección do entorno… Por todo e por todos…

A ría de Noia, de importantísimo valor paisaxístico

Vista da ría de Noia dende a praia da Arnela (Porto do Son, A Coruña)

Día mundial da auga

22/03/2017/by Antonio Manuel Rodríguez Castro

O 70% do planeta Terra é auga; sen embargo, é un recurso moi escaso. A cantidade de auga dispoñible para uso directo é mínima; a maior parte dela está nos océanos e mares e a súa salinidade no permite o seu uso directo. Outra gran cantidade da auga presente no planeta forma parte dos casquetes polares e os glaciares, polo que tampouco é posible un aproveitamento en primeira instancia. Tendo en conta estes feitos, unicamente dispoñemos dun 0,5 % da auga (superficial ou subterránea) para poder utilizala sen ningún outro paso intermedio. Isto debería darnos unha idea da importancia de coidar este recurso e esforzarnos en diferentes ámbitos:

Consumo responsable: aproveitamento máximo do recurso, recirculación de augas.
Prevención de la contaminación: tratamentos adecuados de augas residuais, evitar a contaminación do medio natural (que tarde ou cedo accede ao medio acuoso).

É esencial, polo tanto, a adquisición dunha conciencia social sobre a importancia deste recurso natural e a súa fraxilidade.

Soluciencia ofrece a posibilidade de realizar estudos para optimizar o seu consumo en actividades de diferentes áreas (industrias, servizos…) a implantación de tratamentos depurativos adecuados e a procura de alternativas que melloren ditos tratamentos. Tamén desenvolve actividades formativas que promoven un uso adecuado deste recurso: formación en centros de educación, empresas, entidades sen ánimo de lucro, asociacións…

Soluciencia; solucións.

Río Tambre, que abastece de auga a unha importante cantidade de pobiación

O río Tambre ao seu paso polo concello de Trazo, preto de Santiago de Compostela.

Residuos: xestión e eficiencia.

04/02/2017/by Antonio Manuel Rodríguez Castro

A xestión dos residuos supón unha tarefa de vital importancia de cara a manter un medio ambiente en condicións saudables, algo que repercute sobre todos nós.

Esta xestión, ademais de minimizar o impacto ambiental dos residuos, debe enfocarse cara a un procedemento de tratamento que permita un aproveitamento dos residuos (reciclaxe) e que non supoña un consumo excesivo de recursos naturais.

As pilas deben ser separadas e tratadas correctamente para a recuperación dos materiais que conteñen

As pilas son uns potencias axentes contaminantes de gran capacidade lesiva sobre o medio ambiente.

Polo tanto, imponse a necesidade de investigar para mellorar os tratamentos existentes e desenvolver novos procesos pensando en residuos que actualmente non se xestionan ou en novos residuos que aparecerán como consecuencia das novas necesidades produtivas e de consumo.

Soluciencia investiga, procurando melloras nos procesos existentes e desenvolvendo novos procesos de cara a obter liñas de tratamento eficientes, económicas e saudables.

Actualmente, Soluciencia dirixe un proceso para optimizar a xestión de catro liñas de residuos perigosos.

Soluciencia é investigación e eficiencia.